اكرهك واحبك ولا ابيك وابيك
لخبطت فكري ماعرفت الحقيقه
ماتوقعت اعشقك في يوم واغليك
لين ماحبك اشعل بقلبي حريقه
تاهت بحوري وانا ادور موانيك
والروح بغيابك وبعدك غريقه
والقلب يتبع بالمشاعر خطاويك
ودروب غيرك تشكي الظيقه
راضي بتعبك واتحمل بلاويك
وماطيق غيرك ولا حتى دقيقه
انسى اني اكون بيوم ناسيك
محد(ن) بعد المحبه ينسى عشيقه
يفز قلبي لاجابو الناس طاريك
حبك قدر عمري ونورك طريقه
اهديك كلي وانا كلي لمعاليك
واهديك كل الورد واحلى رحيقه
من قال ماحبك ولا ابيك وابيك
هذي خرابيط شاعر بحكم السليقه
ولا الحقيقه تراني مبتلي فيك
مثل ظامي يحتري من يبل ريقه
واخرها تذكرني ليا هلت لياليك
انت حبيب القلب وانت صديقه
موضوع: اهديك كلي وانا كلي لمعاليك 
الجمعة فبراير 06, 2009 10:43 pm